Eanáš oassi sámeguovllu bohccuin oažžu ivermektiinna boahkuhusa bigálusain parasihtaid vuostá. Dát dálkkas doaibmá maid setaria dikšumis. Dehálaš livččii beassat addit dálkasa nu árrat čakčat go vejolaš.
– Ávžžuhat, jus fal lea bálgosiin vejolaš de álggahit bigálusaid árat. Mađi árabut boazu lea boahkuhuvvon, dađi uhcit dat parasihtta lea geargan bohcco siste váikkuhit. Giđđadálvve dat lea geargan jo goaridit bohcco.
Dehálaš lea namalassii boahkuhit bohccuid, go njálmmi bokte addon parasihtadálkkas ii váikkut seamma bures.
Das lea maid mearkkašupmi, makkár guovllus bohccot guhtot čuoikaáigge. Sauli Laaksonen ávžžuha sirdit ealu biekka mielde, jus dat fal bálgos siste vejolaš.
– Lea duođaštuvvon, ahte njuoska, divrás báikkiin guhton bohccuin lea olu garrasut infekšuvdna, go dakkár bohccuin mat leat duottarguovlluin, dadjá Laaksonen.
Sisparasihtta ii vealttekeahttá oidno bohccos olggosguvlui. Muhtin dávdamearkkat sáhttet leat, ahte čoavji orru dego livččii baggan, muđui ruoinnas, heittot guolga ja vel gurppas."-yle-
Olisko nyt ketään saamentaitoista paikalla? :attn:
yle.fi
